艺人朱晨丽、谭俊彦（Shaun）、林师杰等日前到何文田为新剧《特技人》拍摄舞狮戏份，剧情讲到Shaun率领舞狮队贺酒吧开幕，突然另一队舞狮杀出“抢青”，两队人展开较劲。难得在寓所附近开工，Shaun在拍摄期间抽空接送女儿谭晴返学放学，更安排她在现场睇爸爸演戏。晴晴眼仔睩睩四围望超可爱，朱朱即母爱大发，化身保母抱实唔放。冇觉好瞓Shaun负责舞狮头，在囡囡监场下额外落力，他透露囡囡爱睇舞狮：“佢锺意睇啲热闹场面，日日都开工，难得有机会畀佢见识吓，之后拍撞车同跳楼就唔得喇！（囡囡好乖！）梗系啦！有姐姐请食嘢嘛，成日畀佢食糖，小朋友唔食得咁多糖?！”身旁的朱朱闻言即傻笑，连日拍动作戏的她笑言演“大头佛”可以喘息一下，问到靓样被遮会否可惜？她说：“唔紧要，会有个镜头见到我个样。（见到小朋友就母爱大发？）要多谢Shaun畀机会我过吓妈妈瘾，做Part-time保母！（搵番个对象生B？）日日开工，瞓觉都唔够喎！”偏心个女Shaun早前为父亲狄龙添男孙，问到狄龙有否偏心孙仔？他笑说：“我觉得佢系偏心孙女嘅，始终系第一个孙，其实我都偏心个女多啲！（因为囡囡嗲功了得？）私人嘢我唔方便透露喎！（囡囡睇你拍戏多会恨入行？）佢有条件当然会栽培佢，依家都系专心读书先！”
点阅读原文
赞赏
